"اگر کانگریس کی حکومت آئی تو وہ لوگوں کی دولت گھس پیٹھیوں اور بہت سارے بچے پیدا کرنے والوں میں تقسیم کر دے گی۔" یہ بیان بھارتی وزیرِ اعظم نریندر مودی کا ہے جس پر بحث چھڑی ہوئی ہے۔ ناقدین کا کہنا ہے کہ مودی کا یہ بیان مسلمانوں کے خلاف نفرت انگیزی ہے۔ نئی دہلی سے سہیل اختر قاسمی کی رپورٹ۔
بھارت میں دنیا کے سب سے بڑے انتخابات کا آغاز جمعے سے ہو گیا ہے جس میں 97 کروڑ ووٹرز اپنا حقِ رائے دہی استعمال کرنے کے اہل ہیں۔ لوک سبھا کی 543 نشستوں کے لیے الیکشن سات مراحل میں ہوں گے۔ پہلے مرحلے میں 21 ریاستوں کے 102 حلقوں پر ووٹنگ ہو رہی ہے۔ مزید تفصیلات بتا رہے ہیں نئی دہلی سے سہیل اختر قاسمی۔
قوالی میں آپ نے عموماً مرد قوال ہی دیکھے ہوں گے۔ لیکن بھارت کے شہر حیدرآباد میں کچھ خواتین قوالی گاتی ہیں۔ یہ خواتین قوالی کے ذریعے جنسی ہراسانی، گھریلو تشدد، کم عمری میں شادی اور خواتین کو درپیش دیگر مسائل کے خلاف آواز اٹھا رہی ہیں۔ سہیل اختر قاسمی کی رپورٹ۔
بھارت کے دارالحکومت نئی دہلی میں پالتو جانوروں کی آخری رسومات کی ادائیگی کے لیے 'کریمیٹوریئم' کی شروعات ہوئی ہے۔ یہاں پالتو جانوروں کو مکمل مذہبی رسومات کے ساتھ الوداع کہا جاتا ہے۔ نئی دہلی میں اس سے قبل پالتو جانوروں کی لاشوں کو کوڑا جمع کرنے والوں کی مدد سے ٹھکانے لگایا جاتا تھا۔ رپورٹ دیکھیں۔
بھارت میں کسانوں اور پولیس کے درمیان آنکھ مچولی جاری ہے۔ پولیس کسانوں کو نئی دہلی پہنچنے سے روکنے کے لیے آنسو گیس کا استعمال کر رہی ہے۔ کسان پھر نئی دہلی کیوں جا رہے ہیں؟ بتا رہے ہیں سہیل اختر قاسمی۔
بھارت کے دارالحکومت نئی دہلی میں قطب مینار کے قریب واقع ایک مسجد کو مسمار کیے جانے پر تنازع پیدا ہو گیا ہے۔ مسجد کمیٹی کا دعویٰ ہے کہ یہ 700 سال پرانی مسجد تھی جب کہ دہلی ڈویلپمنٹ کارپوریشن اسے غیر قانونی قرار دے رہی ہے۔ یہ معاملہ ہے کیا؟ جانیے سہیل اختر قاسمی سے۔
بھارت میں 'بٹر چکن' اور 'دال مکھنی' کے کاپی رائٹس پر قانونی جنگ چھڑ گئی ہے اور اب دہلی ہائی کورٹ ہی اس بات کا فیصلہ کرے گا کہ اسے ایجاد کس نے کیا تھا۔ یہ عدالتی لڑائی دراصل دہلی کے دو ریستوران مالکان کے درمیان لڑی جا رہی ہے۔ اس قانونی جنگ کی مزید تفصیل جانیے سہیل اختر قاسمی سے۔
بھارت میں وزیرِ اعظم نریندر مودی رام مندر کا افتتاح کرنے والے ہیں۔ یہ مندر اسی جگہ تعمیر کیا جا رہا ہے جہاں 1992 میں ہندو قوم پرستوں نے بابری مسجد گرائی تھی۔ اس بارے میں بھارتی مسلمان کیا سوچتے ہیں؟ بتا رہے ہیں نئی دہلی سے سہیل اختر قاسمی اس رپورٹ میں۔
بھارت کی سپریم کورٹ نے جمّوں و کشمیر کی خصوصی حیثیت سے متعلق آئین کے آرٹیکل 370 کی منسوخی کے حکومتی اقدام کو قانونی طور پر درست قرار دیا ہے۔ اس فیصلے کو کشمیری کیسے دیکھ رہے ہیں اور فیصلے میں مزید کیا کہا گیا ہے؟ بتا رہے ہیں نئی دہلی سے سہیل اختر قاسمی۔
بھارت میں اردو ادب اور زبان کے فروغ کے لیے ریختہ نامی ایک پلیٹ فارم گزشتہ کئی برسوں سے کام کر رہا ہے۔ ریختہ ہر سال نئی دہلی میں ایک ادبی فیسٹیول جشنِ ریختہ بھی منعقد کرتا ہے جس کا آٹھواں ایڈیشن جمعے سے شروع ہوگیا ہے۔ ریختہ بھارت میں کتنا مقبول ہے اور کیا بھارتی شہری اردو ادب میں دلچسپی رکھتے ہیں؟
بھارت کا شہر حیدرآباد اب ایک جدید آئی ٹی مرکز میں بدل چکا ہے۔ شہر میں ایک طرف چار مینار جیسی قدیم ثقافتی یادگاریں ہیں تو دوسری طرف عالی شان عمارتیں اور بین الاقوامی کمپنیوں کے دفاتر موجود ہیں۔ اس شہر کو اب سائبر آباد بھی کہا جاتا ہے۔ حیدر آباد سے سائبر آباد تک کا سفر جانیے سہیل قاسمی کی رپورٹ میں۔
نان بائنری افراد صنفی شناخت یا جینڈر کو مرد اور عورت کی تقسیم تک محدود نہیں سمجھتے۔ جینڈر سے متعلق اپنے نکتۂ نظر کی وجہ سے انہیں امتیازی رویوں کا بھی سامنا کرنا پڑتا ہے۔ اپنی علیحدہ شناخت منوانے کے لیے انہیں کن مشکلات سے گزرنا پڑتا ہے؟ جانیے ایک نان بائنری پرسن کی زبانی۔ سہیل اختر قاسمی کی رپورٹ۔
بھارت کے دارالحکومت نئی دہلی میں اسموگ نے معمولاتِ زندگی درہم برہم کر دیے ہیں۔ دہلی میں فضائی آلودگی سے شہریوں کی زندگی کس طرح متاثر ہو رہی ہے؟ بتا رہے ہیں سہیل اختر قاسمی۔
بھارت میں ملک کے نام پر بحث چل رہی ہے کہ اس کا نام انڈیا ہونا چاہیے یا بھارت۔ لیکن ملک کا نام بھارت اور انڈیا کیسے پڑا، اس سے پہلے اس علاقے کا کیا نام تھا؟ اور نام کی تبدیلی کی بحث پر کیا آرا پائی جاتی ہیں؟ جانیے نئی دہلی سے سہیل اختر قاسمی کی رپورٹ میں۔
باکس آفس پر ان دنوں شاہ رخ خان کی فلم 'جوان' چھائی ہوئی ہے جو جلد 300 کروڑ کلب میں شامل ہونے والی ہے۔ بچے ہوں یا بڑے سنب ہی شاہ رخ خان کی فلم دیکھنے کے لیے سنیما گھروں کا رخ کر رہے ہیں۔
بھارت کی میزبانی میں دنیا کی مضبوط معاشی ملکوں کے اتحاد جی20 کا سربراہی اجلاس جاری ہے۔ نئی دہلی میں ہفتے کو شروع ہونے والے دو روزہ اجلاس میں امریکہ کے صدر جو بائیڈن سمیت مختلف ممالک کے سربراہان شریک ہیں۔ اس اجلاس کا احوال بتا رہے ہیں نئی دہلی سے سہیل اختر قاسمی۔
دنیا کی 20 بڑی معیشتوں کے اتحاد جی20 کا اجلاس نو اور 10 ستمبر کو بھارت کے دارالحکومت نئی دہلی میں ہونے جا رہا ہے۔ اس اجلاس کے لیے خصوصی تیاریاں کی گئی ہیں۔ نئی دہلی سے سہیل اختر قاسمی بتا رہے ہیں کہ جی20 اجلاس کے لیے کیا اہتمام کیا گیا ہے؟
بھارت میں یہ بحث شدت اختیار کر گئی ہے کہ ملک کا نام انڈیا ہو یا بھارت۔ اپوزیشن رہنماؤں کا کہنا ہے کہ مودی حکومت شہروں کے ناموں کی طرح اب ملک کا نام بھی تبدیل کرنا چاہتی ہے جب کہ حکومتی حلقے اس اقدام کا دفاع کر رہے ہیں۔ نام کی تبدیلی پر شہری کیا کہتے ہیں؟ دیکھیے سہیل اختر قاسمی کی رپورٹ میں۔
بھارت کے دارالحکومت نئی دہلی کی پُر ہجوم سڑکوں پر اب خواتین ڈرائیورز بسیں چلاتی نظر آتی ہیں۔ ان ڈرائیورز کا کہنا ہے کہ جب وہ سڑکوں پر بس لے کر نکلتی ہیں تو لوگ طرح طرح کی باتیں کرتے ہیں۔ ملیے نئی دہلی کی سرکاری بسیں چلانے والی خاتون ڈرائیورز سے سہیل اختر قاسمی کی اس رپورٹ میں۔
بھارت کی ریاست ہریانہ میں ہندو مسلم فسادات کے بعد حالات اب معمول پر آ رہے ہیں۔ یہ فسادات شروع کیسے ہوئے اور اب کیا صورتِ حال ہے؟ بتا رہے ہیں نئی دہلی سے سہیل اختر قاسمی۔
مزید لوڈ کریں
